देव आनंद व शम्मी कपूर यांचे चित्रजीवन उलगडणार
प्रसाद फणसे व नवरस आर्ट अॅकॅडमी यांच्या संयुक्त विद्यमाने देव आनंद व शम्मी कपूर या दोन दिग्गज अभिनेत्यांच्या चित्रजीवनावर आधारित रंगरसीले हा अनोखा कायर्क्रम आयोजित केला आहे. रविवार १७ सप्टेंबरला सायंकाळी ६.३० वा. रविंद्र नाट्यमंदिर येथील मिनी थिएटरमध्ये हा कार्यक्रम संपन्न होणार आहे.
वर्षानुवर्षे रसिकांच्या मनात रुंजी घालणारी हिंदी चित्रपटातील असंख्य लोकप्रिय गीते देव आनंद व शम्मी कपूर या दोन अभिनेत्यांवर चित्रित झाली आहेत. यातील काही सदाबहार गाणी रसिकांना यावेळी पडद्यावर पहाता येणार आहेत. सोबत ज्येष्ठ पत्रकार व सिनेअभ्यासक अंबरीश मिश्र हे या दोन्ही रंगतदार व्यक्तिमत्वांचे पैलू व किश्श्यांचा खजिना यावेळी उलगडणार आहेत.
हा कार्यक्रम सशुल्क असून ‘प्रथम येणाऱ्यास प्रथम प्रवेश’ आहे. काही जागा राखीव आहेत. प्रसाद फणसे व नवरस आर्ट अॅकॅडमी यांचा रंगरसीले हा कायर्क्रम रसिकांना निखळ आनंद देईल हे नक्की.
अधिक माहितीसाठी – प्रसाद फणसे – ९८२०७७१७१८