लहान मुलांना कनेक्ट करण्याचा फंडा
चित्रपटाच्या मार्केटिंग आणि प्रमोशनसाठी नाना प्रकार केले जातात. त्यातलाच एक नवा फंडा २२ जुलैला प्रदर्शित होणाऱ्या व्हिडीओ पॅलेस निर्मित ‘हाफ तिकीट’ने अवलंबला असून, वसाया फुड्स या कंपनीने ‘हाफ तिकीट’ या नावाने तब्बल १० लाख वेफर्सच्या पाकिटांचं उत्पादन केलं आहे. हे वेफर्स संपूर्ण महाराष्ट्रात उपलब्ध झाले आहेत.
हाफ तिकीट या चित्रपटातील दोन लहान निरागस मुलं आणि या सिनेमाचं पोस्टर पाहून वसाया फुड्स या कंपनीने या वेफर्सच्या रॅपरवरदेखील त्यांचा फोटो आणि लोगो वापरला आहे.
निर्माता नानूभाई जयसिंघानी आणि दिग्दर्शक समिती कक्कड यांचा ‘हाफ तिकीट’ या वेफर्सच्या माध्यमातून घराघरांत पोहचणार आहे. हाफ तिकीट वेफर्स अशाप्रकारचं प्रमोशन नक्कीच वेगळं, आकर्षक आणि मुळात म्हणजे लहान मुलांना कनेक्ट करता येईल असं आहे.