‘मोहर’ सर्वोत्तम ग्रामीण चित्रपट

‘नाशिक इंटरनॅशनल फिल्म फेस्टिवल (एनआयएफएफ)’चा ८ वा गोल्डन कॅमेरा फिल्म एण्ड टेलिविजन ऍवॉर्डस- २०१६ पुरस्कार सोहळा नुकताच जुहू येथील इस्कॉनच्या सभागृहात पार पडला. या पुरस्कार सोहळ्यात संगीता गौतम सातदिवे आणि राहुल सातदिवे यांची निर्मिती असलेला आणि विजय पाटकर दिग्दर्शित मोहर या सिनेमाला सर्वोत्तम ग्रामीण चित्रपटाचा बहुमान मिळाला.

मोहर हा सिनेमा जानेवारी २०१६ ला प्रदर्शित झाला होता. या सिनेमात सयाजी शिंदे, आदिती सारंगधर आणि प्रसाद ओक हे मुख्य भूमिकेत होते. या सिनेमाच लेखन रेखा जगताप यांनी केल आहे.

मोहरला एनआयएफएफचे सर्वोत्तम दिग्दर्शन, लेखन आणि सामाजिक संदेश असे एकूण तीन पुरस्कार मिळाले. हा पुरस्कार स्वीकारण्यासाठी मोहरचे निर्माते अनुसया इंटरप्राईजेसचे संगीता गौतम सातदिवे आणि राहुल सातदिवे हे उपस्थित होते. अनुसया इंटरप्राईजेसचा नुकताच ‘यारो कि यारी’ हा सिनेमा महाराष्ट्रात प्रदर्शित झाला आहे.