‘यारी दोस्ती’त आहे एक ‘परी’!

या चित्रपटात बहुतेक नवीन चेहरे असून, प्रत्येकाने ऑडिशन दिली होती. त्यानंतर दिग्दर्शक शांतनू अनंत तांबे यांनी प्रत्येक भूमिकेसाठी वेगवेगळ्या कलावंतांवर मेहनत घेऊन त्यांना तयार केले. इतर कलावंतांप्रमाणेच नाझनीन ऑडिशनसाठी गेली आणि अमराठी असली तरी तिच्यातील अभिनयाच्या सामर्थ्याने आणि मराठीतही छान संवाद साधण्याचे कसब असल्याने ती टीम ‘यारी दोस्ती’त समाविष्ट झाली.

शांतनू अनंत तांबे लिखित आणि दिग्दर्शित ‘यारी दोस्ती’ सिनेमा किशोरवयीन मुलांच्या भावविश्वावर आधारित आहे.

पॅशनवल्ड एंटरटेनमेंटस्ची निर्मिती असलेल्या या सिनेमात राष्ट्रीय पुरस्कार विजेता हंसराज जगताप हा मुख्य भूमिकेत आहे. तर ‘माझी शाळा’ या चित्रपटातून झळकलेला आकाश वाघमोडे याच्या अभिनयाची जादू पुन्हा एकदा अनुभवता येणार आहे. नाझनीनसह  आशिष गाडे, सुमित भोकसे हे कलाकार पदार्पणास सज्ज आहे. यांच्यासोबतच या सिनेमात संदीप गायकवाड, मिताली मयेकर, नम्रता जाधव, श्रेयस राजे, निशा परुळेकर, अशोक पावडे, जनार्दन सिंग, मनीष शिंदे आणि मनीषा केळकर यांच्यादेखील ठळक भूमिका पहायला मिळणार आहेत. हा सिनेमा १६ सप्टेंबर रोजी संपूर्ण महाराष्ट्रात प्रदर्शित होत आहे.