दीपा वेदपाठक यांच्या कलाकृतींचे प्रदर्शन सुरु
पुण्यातील कलाकार दीपा वेदपाठक यांचे ‘कलर कॉन्सर्ट २’ हे कलाकृतींचे प्रदर्शन मुंबईतील जहांगीर कलादालनात सुरु झाले असून ते १६ ऑक्टोबरपर्यंत सुरु राहणार आहे.
संगीत आणि तेजस्वी रंग हे या प्रदर्शनाचे मुख्य भाग असून ते या कलाकृतीत अतिशय लक्षणीय रीतीने प्रभाव टाकतात. संगीताच्या आधारे मानवी मनाची होणारी घालमेल आणि रोजच्या जीवनातील न पाहू शकणारे क्षण रंगलेखिका आपल्या कलाकृतीद्वारे जिवंत करतात. विषय, मन:स्थिती, रचना, रंगयोजना व ब्रश स्ट्रोक – या सर्व गोष्टी एकत्र होऊन एक सुरेख मैफिल आपल्या सुप्त मनाच्या अवस्था, भौतिक जगातील वेदना कमी होऊन आपण त्या कलाकृती कलाकृतिमध्ये रमतो. ‘कलर कॉन्सर्ट २’ यात ३ ते ४ फुटाच्या आकाराची २५ चित्रे आहेत. हे प्रदर्शन दिनांक १० ऑक्टोबरपासून सुरु झाले असून ते १६ ऑक्टोबरपर्यंत जहांगीर कला दालन, काळाघोडा येथे कलाप्रेमींना पाहावयास मिळेल.
‘कलर कॉन्सर्ट २’ या शीर्षकानुसार, यात अनेक वाद्य, सतार, गिटार, ड्रम, तबला, मृदंग, हेडफोन्स नवीनतम लहर व्हायोलिन यांचा समावेश आहे. पिवळा, केशरी, हिरव्या लाल, निळा यांचा समावेश असलेल्या इंद्रधनुष्य पॅलेट निश्चितच उज्वल छटा दाखवतो. “संगीत हे मला खूप प्रेरणादायी आहे. माझे अनेक कुटुंब संगीत क्षेत्रात कार्यरत आहेत त्यामुळे मी त्यांच्याबरोबर अनेक मैफिली पहिल्या आहेत, त्या वातावरणात मी खूप समरसून जायचे. चित्रे रंगवताना रंगांचा वापर मी ती चित्रे अर्थपूर्ण दिसावीत यासाठी कधीही ती सौम्य होऊ दिली नाहीत. गेली १८ वर्षे मी चित्रे काढत आहे” असे चित्रकार दीपा वेदपाठक आपल्या चित्रकलेविषयी सांगितले.
“इमर्सद १ अँड २”, “सेलिब्रेशन”, “मेहफिल”, “हार्मोनी”, “ड्रमर”, “सखी”, “मायसेल्फ”, “इंडलेस लव” अशा काही दीपा वेदपाठक यांच्या चित्रांची नावे आहेत.
