६वे एन.ई.एस राष्ट्रीय विज्ञान महोत्सव सुरु
एन.ई.एस.इंटरनॅशनल स्कूल मुंबई आणि दक्षिण आशियाई आय.बी शाळा असोसिएशन मिळून नोबेल पारितोषिक विजेते सर सी.व्हि रामन आणि विज्ञान दिनानिम्मित (२८ फेब्रु) एन.ई.एस. राष्ट्रीय विज्ञान महोत्सव आयोजित केला आहे. गेल्या ५ वर्षापासून हा विज्ञान महोत्सव होत आहे. या वर्षी विज्ञान महोत्सवाची सुरुवात २५ फेब्रुवारी रोजी झाली. प्रयोग, यंत्रमानव, बायो-ज्वेलरी, नृत्य स्पर्धा, स्पेस सायन्स आधारित पथनाट्ये या महोत्सवात सादर झाली.
या महोत्सवात ३०० मॉडेल्स प्रदर्शित झाले. ‘पॉपकॉर्न बनवणारी मशीन’, ‘बुध ग्रहाची एक ट्रिप’, बायो गॅस प्लांट, गावातील आधुनिक जीवनशैली, ‘न्यूटन पाळणा’, ‘आंतरराष्ट्रीय अंतराळ, हायड्रो पॉवर ऊर्जा, सौर आणि पवन ऊर्जा, आणि अजून बरच काही इयत्ता पहिली ते बारावीच्या विद्यार्थ्यानी बनविले आहेत. शिक्षक मार्गदर्शन, रासायनिक मनोरंजन, लाइव्ह शो, भौतिकशास्त्र, विज्ञान शुद्धलेखन स्पर्धा इत्यादि एन.ई.एस विज्ञान महोत्सवात होणार आहे. डी.ए.व्हि इंटरनॅशनल स्कूल, गोल्डक्रेस्ट इंटरनॅशनल स्कूल, ओबेरॉय इंटरनॅशनल स्कूल, अजमेरा ग्लोबल स्कूल, सिंगापूर इंटरनॅशनल स्कूल, आदित्य बिर्ला अकादमी, जमनाबाई इंटरनॅशनल स्कूल आणखी अजून अधिक शाळा देशाच्या इतर भागांमधून सहभाग घेतला होता.
एन.ई.एस विज्ञान महोत्सवाची मूळ कल्पना हीच आहे की, विद्यार्थ्यांना उच्च दर्ज्याचे शिक्षण देणे आणि त्यांच्यात सर्जनशीलता आणणे. या वर्षी पालकांना व शिक्षकांना या प्रकल्पामध्ये सक्रिय सहभाग घेता येईल. तसेच पालक विद्यार्थी आणि शिक्षकांनसोबतच हा प्रकल्प यशस्वीरित्या पूर्ण करणे अशी एक अद्वितीय संकल्पनाएन.ई.एस ने आणली आहे. प्रकल्प पुर्ण करण्यासाठी सर्वांचे विचार आणि कल्पना यांची आवश्यकता आहे. असे, एन.ई.एस आणि एस.व्हि.बी चे संस्थापक प्राचार्य डॉ. आर. वर्दराजन यांनी सांगितले. 
