दर्जेदार सहा एकांकिकांचा महोत्सव
वर्षभरात वेगवेगळ्या स्पर्धेत, महोत्सवात सादर झालेल्या एकांकिकांचे प्रयोग रसिकांना बघता यावेत म्हणून ३० मार्चला दुपारी १२ वाजतापासून या ‘प्रयोगोत्सव’ आयोजित करण्यात आला आहे. या महोत्सवात ‘पाझर’, ‘विभावांतर’, ‘दप्तर’, ‘श्यामची आई’, ‘इन सर्च आॅफ’ आणि ‘ओवी’ या सहा एकांकीकांचे प्रयोग सादर होणार आहेत.
एकांकीका स्पर्धेत जिंकण्या हरण्यापलीकडे एक उत्तम प्रयोग करत आपल्या कलेची ग्वाही देत कित्येक कलाकार आणि तंत्रज्ञ रसिकांच्या आणि दिग्गजांच्या मनात रुजतात. पण ब-याचदा काही कारणास्तव प्रेक्षकांना या प्रयोगांना मुकावं लागतं. म्हणूनच अशा काही निवडक एकांकीकांच्या प्रयोगांचा ‘प्रयोगोत्सव’ आयोजित केले आहे.
कलासक्त महारातष्ट्रात एकांकिकांचं एक वेगळचं वलय आहे. नाटकवेडी मंडळी अशा स्पर्धांच्या शोधातचं असतात. म्हणूनच गेल्या वर्षभरात गाजलेल्या एकांकीका पाहण्याची, अनुभवण्याची संधी मिळणार आहे इलेव्हन अवर प्रोडक्शनने आयोजित ‘प्रयोगोत्सव’ या नावीन्यपूर्ण उपक्रमातून…
या ‘प्रयोगोत्सवा’त ‘पाझर’ (औरंगाबाद), ‘विभावांतर’ (इंद्रधनु, मुंबई), ‘दप्तर’ (महर्षि दयानंद महाविद्यालय), ‘श्यामची आई’ (सिडनहॅम महाविद्यालय), ‘इन सर्च आॅफ’ (अनुभूति मुंबई) आणि ‘ओवी’ (झीरो बजेट प्रोडक्शन, मुंबई) या सहा एकांकीकांचे प्रयोग ‘प्रयोगोत्सव’मध्ये दिनांक ३० मार्च २०१७ रोजी दु. १२ वाजतापासून रवींद्र नाट्यामंदी र, प्रभादेवी येथे सादर होणार आहेत.
प्रयोगोत्सवद्वारे प्रेक्षकांना प्रत्येक एकांकिका घडवताना घेतली गेलेली मेहनत, एकांकिका सादर करणा-या संस्थेच्या आठवणी, किस्से तसेच विषयसुचकता, पारितोषिकं यांची माहिती प्रेक्षकांना देण्यात येणार आहे. संपूर्ण टिमशी प्रेक्षकांना संवाद साधता येईल. सर्व एकांकीकांचे प्रयोग झाल्यानंतर सिने-नाट्य कलाकारांच्या हस्ते संस्थाना सन्मानचिन्ह देऊन गौरवण्यात येणार आहे.
तिकीटासाठी संपर्क
गणेश ढोलम- ९७७३८६७४०८
तेजस साठे- ७६६६५६६९१३
धवल म्हात्रे- ८१०८७२७१५२