सिनेमाच्या गाण्याचा मुहूर्त संपन्न
लव मनी फिल्म्स या निर्मिती संस्थेचा ‘राम रतन फुलपगारे’ या सिनेमाच्या गाण्याचा मुहूर्त नुकताच अंधेरीतील एका स्टुडिओमध्ये पार पडला. वैभव देकाटे यांची निर्मिती असलेला हा पाहिलाच मराठी चित्रपट असून, शैलेंद्रसिंग राजपूत यांनी दिग्दर्शनाची धुरा सांभाळली आहे.
‘राम रतन फुलपगारे’ या मराठी चित्रपटाचे संगीत संदीपश्री व युवराज मोरे यांनी दिले असून, गाणी शैलेन्द्रसिंग राजपूत, मनीषा व दीपक अंगेवार यांनी लिहिली आहे. सदर चित्रपटाचे छाया दिग्दर्शन रामसिंग यादव करणार आहेत. नुकताच या चित्रपटाचे गाणे मंगेश सावंत यांच्या आवाजात रेकॉर्ड केले गेले. या चित्रपटामध्ये प्रमुख भूमिकेत विजय पाटकर, प्रिया बेर्डे, डॉ. विलास उजवणे, नरेश बिडकर, किशोर महाबोले, दिपज्योति नाईक यांच्या असून नवोदित रजत व समृद्धी आणि मंगेश व योगिता यांच्या जोड्या आहेत. सदर सिनेमा, प्रेक्षकांचे भरभरून मनोरंजन करून देईल, असा विश्वास सिनेमाचे सहनिर्माते शब्बीर राज यांनी व्यक्त केला
