चित्रपट ६ ऑक्टोबरला प्रदर्शित होणार
इफ्फी, बंगळूरू, मुंबई, पुणे आणि कलकत्त्याबरोबरच जर्मनी, अमेरिका, ब्राझील, स्पेन, टांझानिया, चेक प्रजासत्ताक आणि बांग्लादेशसारख्या ३५ हून अधिक नामांकीत चित्रपट महोत्सवांमध्ये हजेरी लावून २ महाराष्ट्र राज्य पुरस्कारांबरोबर एकूण १५ पुरस्कारांवर नाव कोरलेला ‘द सायलेंस’ हा चित्रपट येत्या ६ ऑक्टोबरला प्रदर्शनासाठी सज्ज झाला आहे.
राष्ट्रीय पुरस्कार विजेते दिग्दर्शक गजेंद्र अहिरे दिग्दर्शित ‘द सायलेंस’ एक वास्तवदर्शी चित्रपट… चित्रपट महोत्सवांत ‘जबरदस्त, ‘दुष्प्रवृत्तींविरोधात लढा देण्यास प्रवृत्त करणारा चित्रपट’, ‘हा चित्रपट पाहताना उर भरून आला होता’ अशा अनेक भावूक प्रतिक्रिया मिळवणाऱ्या या चित्रपटाचा ट्रेलर नुकताच मुंबईत एका दिमाखदार सोहळ्याद्वारे लाँच करण्यात आला. ट्रेलर लाँच सोहळ्याला निर्मा
अॅड. पूजा कुटे यांच्याकडे असणाऱ्या खटल्यावर चित्रपट बनवण्यासाठी कथा-पटकथा लेखन निर्मात्या अश्विनी सिधवानी यांनी केले असून, दिग्दर्शन आणि संवाद लेखन गजेंद्र अहिरे यांनी केले आहे. संगीत इंडियन ओशन बँडने दिले आहे. छायाचित्रदिग्दर्शन कृष्णा सोरेन यांनी केले असून संकलन मयुर हरदास यांचे आहे. हा चित्रपट येत्या ६ ऑक्टोबरला संपूर्ण महाराष्ट्रात प्रदर्शित होणार आहे.
