‘राजश्री मराठी’वर ‘डान्स विथ फुलवा’
सुप्रसिद्ध नृत्यदिग्दर्शिका (कोरिओग्राफर) फुलवा खामकर डान्स प्रशिक्षण सुरु करणार आहे, परंतु हे प्रशिक्षण नेहमीसारखं मर्यादित वेळेपुरतं किंवा एखाद्या नेमक्या जागेवर भरणार नाही. या प्रशिक्षणामध्ये कितीही लोकं सहभागी होऊ शकतात, कोणत्याही वेळी आणि कुठल्याही ठिकाणी कारण हे प्रशिक्षण असेल इंटरनेटवर.
मराठीतला असा पहिला शो ज्यामध्ये फुलवा प्रेक्षकांना डान्सचे ऑनलाईन प्रशिक्षण देईल आणि ह्या प्रशिक्षण देणाऱ्या शो चे नाव असेल ‘डान्स विथ फुलवा’. या प्रशिक्षणाबाबत फुलवा सांगते की, ‘नृत्यप्रकार ऑनलाइन शिकवणे हा प्रयोग मराठीत पहिल्यांदाच होत आहे. क्लासमध्ये विद्यार्थ्याना शिकवणे आणि Virtually शिकवणे या दोन्ही गोष्टींमध्ये फरक असला, तरी देखील मी क्लासेसमध्ये जसं साध्या-सोप्या पद्धतीने शिकवते अगदी तसेच इथे शिकवण्याचा प्रयत्न केलाय. मराठी चित्रपटातल्या गाण्यांवर भारतीय आणि पाश्चिमात्य नृत्यप्रकार कसे करता येतील हे मी या शोमध्ये दाखवणार आहे.’
या शो चा म्हणजेचं ‘डान्स विथ फुलवा’चा पहिला एपिसोड शुक्रवार दिनांक १७ मार्च २०१७ रोजी राजश्री मराठी (www.youtube.com/
महिला दिनी पहिली झलक
महिला दिनाच्या दिवशी ८ मार्च २०१७ रोजी फुलवा खामकर तुम्हाला तिच्या नवीन शो ची एक झलक दाखवणार आहे. महिला दिनाचं निमित्त स्त्री सशक्तीकरणाचं जरी असलं तरी बऱ्याच स्त्रिया तो दिवस स्वतःला आवडणाऱ्या गोष्टी करण्यासाठी वापरण्यात घालवणे उत्तम समजतात. आणि त्या आवडत्या कामांपैकी ‘डान्स’ हा नेहमीच आवडणारा भाग. आणि फुलवा तिची हीच कला तुम्हाला शिकवणार आहे तिच्या नवीन शो मध्ये ज्याच नाव आहे‘डान्स विथ फुलवा’. महिला दिनाचं निमित्त साधून राजश्री मराठी ८ मार्च २०१७ रोजी या शो-प्रोमो प्रदर्शित करत आहे. 
