१३ डिसेंबरपर्यंत सुरु रहाणार चित्रप्रदर्शन
सुप्रसिद्ध रंगलेखक खिलचंद नारायण चौधरी यांच्या नयनरम्य चित्रांचे प्रदर्शन काळा घोडा येथील हिरजी जहांगीर आर्ट गॅलरीमध्ये ७ डिसेंबरपासून सुरु झाले असून ते १३ डिसेंबरपर्यंत सुरु राहणार आहे. सदर प्रदर्शनात चित्रकार खिलचंद नारायण चौधरी यांनी जलरंग व पेन आणि इंक वापरुन कॅनवास विविध नयनरम्य कलाकृती साकारल्या आहेत.खिलचंद नारायण चौधरी यांच्या चित्रात निसर्ग व त्याच्या विविध चमत्कृतींमधील विरोधाभास तसेच मूलभूत सौंदर्य, अनेकविध ऐतिहासिक वास्तूंमधील रचनात्मक वैशिष्ट्ये हयांचे ठळक दर्शन घडते. तसेच अनेक ऋतूंमधील निसर्गाची विविध रुपे व त्यातील सौन्दर्य आणि परस्पर विरोधी अशा चमत्कृती ह्यांचे दर्शन आपल्या कलात्मक व वैशिष्ट्यपूर्ण शैलीत घडवताना त्यांनी विक्टोरिया टर्मिनस स्टेशन, फ्लोरा फाऊंटेन, बनारस वगैरे एतिहासिक वास्तूंचे रचनात्मक दृष्टया सविस्तर विवरण आपल्या चित्रामधून रसिकांपुढे सादर केले आहे. त्यांचा हा चित्राविष्कार सर्व रसिकांना आवडेल असाच आहे.
